إلى مشاهدي القنوات الحكوميه "والخاصه المصريه" ومؤيدي مبارك

بسم الله الرحمن الرحيم

والصلاة والسلام على اشرف المرسلين سيدنا محمد المبعوث رحمة للعالمين

السلام عليكم ورحمة الله وبركاته

 اولا وقبل اي حاجه لازم نقول كام حاجه سريعه
مؤيدي نظام السيد مبارك هم "بلطجيه بيكسروا البلد، بيحرقوا المتحف المصري اللي فيه كنوز، معظمهم من الهجانه والشرطه، امناء عساكر ومخبرين ورتب صغيره، وهذا لا يعني ان كلهم كده بس دول نسبه 80% منهم بدليل اللي حصل امبارح في التحرير والمتحف المصري "وقنابل الملوتوف يا مؤمن يا موحد بالله يا مصري"
احتكاما للعقل: العقل بيقول ان ناس بقلها 7 ايام في ميدان التحرير لا سمعنا عن المتحف ولع، ولا عن قنابل مولوتوف

اشمعنى يوم ما خرجت مظاهرات تاييد حصل كده؟

حاجه كمان بتقول إن الناس دي بقلها اسبوع مرميه في الشارع لا عمرنا سمعنا عن خناقه مع الجيش ولا تكسير عربيات
امبارح دبابه تابعه للجيش وعدد 2 ناقلات جنود تم حرقهم في مدخل ميدان التحرير من نحية المتحف المصري (اللي شهد معظم الاحتكاكات)
تفسر بايه وجود كرنيهات الحزب الوطني والداخليه؟

اعترف بلاتي ذكرة

• يمكن اللي يعرفوني "اصحابي واصدقائي المقربين" يعرفوا إني غير مؤيد تماما لفكرة ان يكون البرادعي رئيسً لمصر!
• وانا عارف ان السيد حسني مبارك "الفاقد للشرعيه" هو بطل حرب 6-اكتوبر-1973 (ده على اساس انه كان بيحارب لواحده)
• وعارف ان في عهد السيد مبارك تم بسط السياده الكامله على سيناء (ربنا يرحمك يا سادات)
• عارف ان عهد السيد مبارك هو من ازهى عصور الحريه والديمقراطيه (والملوخيه بالمهلبيه وامن الدوله تشهد واعتقال ايمن نور، ونفي كثيرين لم يسلط الاعلام الضوء عليهم مثل عادل محمد السامولي)

ما هي انجازاته؟

اولا وقبل ان اقول انجازات السيد مبارك لابد ان نعترف بلأتي

ان مسؤليه رئيس الجمهوريه هي

• الحفاظ على امن البلاد واستقرارها
• رعاية مصالح الشعب رعاية كامله
• بناء مشروعات لتحسين الاقتصاد
• الاهتمام بالتنميه والعمل على زيادتها
• الاهتمام بخلق فرص عمل للعالطين

ما هي انجازات السيد الرئييس؟ .. تعالوا نشوف ولو عارف الكلام ده وومش حابب تتنقط انزل تحت خالص

• مشروع تُشكى (تم بيعه لمستثمر عربي) 
• عمر افندي (تشكى السابقون وهم اللاحقون)
• تصدير الغاز للعدو الصهيوني (بعد ما تم انقاء اتفاقيه كامب ديقيد) بموجب عقد تم ابرامه مع السيد حسين سالم المقرب جدا من الرئيس، مالك شركة شرق المتوسط للغاز وهو مالك عدة قرى سياحية بشرم الشيخ وخليج نعمة
• غرق عبارة السلام 98 ومقتل اكثر من 1300 مصري ومش عارفين الربان/كابتن العباره فين
• نظام تعليم (بالخرزانه ياض واقلعي يابت)
• شفافية الانتخابات بدليل خطاء الرئيس في اول جلسه للمجلس المنعقد وتاكيده على نزاهتها (وبعد احداث 25 يناير طالع يقول يتم النظر في الطعون) (أ7أ)
• ارتفاع الاسعار الجنوني (الغير مرتبط بالارتفاعات العالميه)

ده اللي انا اعرفه وفاكره بس لما دورت وعرفت شوفوا لقيت ايه :)

الأحوال المالية

• ديون : إجمالي 614 مليار جنيه
• الفقر : 35% من الشعب تحت خط الفقر أقل من1 دولار في اليوم
• نقود مهربة : 300 مليار دولار خرجت من البلاد
• الجنيه المصري : الدولار= 85 قرش سنة1981م و 6 جنيهات سنة 2005 م

الأحوال الصحية

• السرطان : تضاعف 8 مرات .. أعلى نسبة في العالم
• الذبحة الصدرية :20 % من الحالات شباب تحت الأربعين
• البلهارسيا : أعلى نسبة في العالم
• السكر : ‏7‏ ملايين .. ‏10 %‏ تقريبا من عدد السكان
• إلتهاب كبدي : 13 مليون .. 20 % من الشعب
• فشل كلوي : أعلى نسبة في العالم
• شلل الأطفال : موجود في 6 دول في العالم فقط منهم مصر
• الإكتئاب : ‏20‏ مليون مواطن
• أمراض نفسية ( أخرى) : ‏6‏ ملايين
• التدخين : 80% من البالغين مدخنين
• التلوث : أعلى نسبة في العالم ... تلوث للهواء ومياه الشرب
• والتدهور في التربة والمناطق الساحلية .. خسائر 30 مليار جنيه
• الانفاق الحكومي : 10 دولار للفرد سنوياً

الأحوال الاجتماعية

• القضايا : 20 مليون قضية بالمحاكم .. أقدمها من 38 عام حتى الاّن
• البطالة : 29% من القادرين على العمل .. حوالي 5 مليون شاب
• الانتحار : 3 اّلاف محاولة سنوياً
• حوادث الطرق : 6 آلاف قتيل سنويا و 23 الف مصاب
• الطلاق : 28%
• العنوسة : 7 مليون عانس .. 4 مليون فوق 35 عام
• الهجرة : 4 ملايين مهاجر : 820 ألفاً من الكفاءات و 2500 عالم في تخصصات شديدة الأهمية .. 6 ملايين طلب هجرة للولايات المتحدة وحدها سنة 2005
• الأُمية ( الحالية) : 26% من الشعب المصري
• الأُمية ( المستقبلية) : 7% من الأطفال لا يدخلون المدارس بسبب الفقر .. غير الهاربين بعد الدخول
• التعليم : دروس خصوصية ، كتب خارجية ، جامعات خاصة للربح فقط
• عمالة الأطفال : نصف مليون طفل
• أطفال الشوارع : تقرير الأمم المتحدة : 100 ألف طفل
• عشوائيات : 45% من الشعب يسكن العشوائيات.. 35 منطقةعشوائية بالقاهرة فقط
• موظف الحكومة : تحت خط الفقر ويؤخذ منه ضرائب( ستة جنيهات متوسط دخل الموظف يومياً )
• المخدرات : 6 مليار دولار سنوياً في تجارة المخدرات

مشاكل أخلاقية

• رشوة، محسوبية، بلطجة، توريث المهن، عُري زواج عرفي , قتل الأزواج ، امتهان وتحرش بالنساء ، ألفاظ بذيئة ، صحافة جنسية غش جماعي وجريمة و تسول

الأحوال السياسية

• سيطرة وفساد النخبة الحاكمة ، مراكز قوى ، الإعداد لتوريث الحكم ، تزوير انتخابات ، قمع المعارضة ، اعتقالات ، تعذيب حتى الموت ، انتهاك لحقوق الإنسان ، إلغاء دور النقابات والجمعيات الأهلية

مشاريع قومية متوقفة او خاسرة

• القضاء على الأمية قبل عام 2000 ، زراعة الصحراء الغربية بالقمح (مشروع اليابان)
• وادي السليكون، محطة الطاقة النووية، جامعة د/ أحمد زويل (التكنولوجيا)
• فوسفات أبو طرطور ,وادي توشكى
• أكثر من 2,3 مليار جنيه خسائر بشركات القطن
• 8 مليارات جنيه خسائر شركات الغزل والنسيج
• 12 مليار جنيه العجز الإجمالي لسكك حديد مصر
• خسائر 11 مليار جنيه بقطاع الإذاعة والتلفزيون منذ 2005 فقط

الأزمــــــــــــــات

• فساد ,تعليم، إسكان، زواج، بطالة، صحة، أخلاق، ضمير، مرور , مياه نظيفة، صرف صحي، البناء على الأرض الزراعية، تصحر، زحام ,غلاء, انخفاض احتياطي النقد

الأرض الزراعية

• تم تجريف مليون و200 ألف فدان أرض خضراء من 5000 سنة من أصل 6 مليون فدان

الأمن والشرطة

• قانون الطوارىء : 25 سنة طواريء .. في خدمة الشعب

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 

اخ من المضحوكين عليهم هيقولي طيب المشاكل دي مشاكل ادارة غلط وفي وزراء

اجابتي: يا سيدي المضحوك عليك في مقوله بتقول "إذا كان رب البيت بالدف ضاربً فشيمه اهل البيت الرقصُ"

حاجه كمان يا استاذ هو انا لو انتا قولتلي انك عاوز 30 شخص يشتغلوا عندك

وانا جبتلك 30 شخص وطلعوا وحشيين، قولتلك بس الغلط ده عندي هجيب لك غيرهم، وطلعوا وحشين، وغيرهم وطلعوا وحشين وهكذا الحال منذ تولي السيد الرئيس المنصب عام 1981 .. 10 حكومات يا مؤمن بالله ومن سئ إلى اسوء

الباشا حبيب اللي العدلي (وزير الداخليه السابق)  هل يقدر ياخد قرار بانه يوقف المظاهرات باي تمن حتى لو كان ارواحهم هي التمن، من غير ما يرجع لرئيس الجمهوريه؟

احمد عز افندي بيه باشا بتاع الحزب اللاوطني .. تعرف إن شركه عز (عز الدخيله سابقا) كان اسمها شركة اسمها القديم هو الإسكندرية الوطنية للحديد والصلب وقد انشأت في منتصف الثمانينات كشركة مساهمة بين مجموعة من البنوك إلى ان تم خصخصتها "وبيعها للباشا ومن بعدها بقت قابضة :)

وبغض النظر عن الاتي ذكرة عن حسين سالم والسيد مبارك علشان انا مش متاكد برده من المعلومات اللي عن حسين سالم ده

سؤالي بقى بيقول: لسه مخدوع؟

وبالنسبه لقناة الجزيرة علشان حابب اقول كلمه في حقها

الناس دي ممكن تكون بتحب تشعللها اه، او زيهم زي اي قناة اخباريه بتجري ورا الحدث، بس هل هما بيكذبوا او بيألفوا او بيفربركوا الصور؟، الاجابه عندك انتا يا قارء

حسين سالم هل تعرفه؟

حسين سالم هو مالك شركة شرق المتوسط للغاز وهو مالك عدة قرى سياحية بشرم الشيخ ويمتلك خليج نعمه بالكامل
وهو من اهدى قصرا على اطراف منتجعه السياحي والذي تعقد فيه المؤتمرات بشرم الشيخ
حسين سالم خدم في القوات الجوية مع محمد حسني مبارك
حسين سالم كان ضابط للمخابرات المصرية قبل حرب 1967
حسين سالم ملك ملوك التطبيع في مصر

يمتلك حصة كبيرة في مصفاة تكرير النفط في حيفا باسرائيل
 شركة شرق البحر المتوسط للغاز EMG التي يمتلكها.
مملوكة لثلاث مساهمين

• رجل الاعمال المصري /حسين سالم بنسبة 65 في المائة
• رجل الاعمال الاسرائيلي / يوسي ميلمان بنسبة 25 في المائة 
• شركة الغاز المصرية بنسبة 10في المائة

تعرف ايه عن شركة  الاجنحة البيضاء
شركة الاجنحة البيضاء تم تسجيلها في فرنسا وهي المورد الرئيسي  للسلاح في مصر
هذه الشركة أسسها محمد حسني مبارك عندما كان نائبا لرئيس الجمهورية محمد أنور السادات
هذه الشركة تتضمن أربعة مؤسسين

• منير ثابت شقيق سوزان مبارك
• حسين سالم 
• عبد الحليم أبو غزالة وزير الدفاع السابق
• محمد حسني مبارك نائب رئيس الجمهورية انذاك