بسم الله الرحمن الرحيم
عارف انكم هتسغربوا وانا بكتب اول تدوينة عن الموضوع ده
بس اعمل ايه مهو احنا لو مش اتكلمنا عليه يبقى احنا بنشارك في "عمليات النصب والاحتيال"
تعالى اعرفك ازاي تكسب 3 الاف "دولار" في الشهر
اول حاجه لازم تعملها انك تغمض عينك
وتحط ايدك على الموس وتكلك (تضغط) .. وبعد كده تخيل نفسك ماسك 3 الاف دولار وبتصرفهم
مش فاهم .. صح؟
طيب تعالى افهمك اكتر .. تفتكر انك في بداية مشوارك علشان تكسب فلوس، اول ما تكسب يبقى 3 الاف دولار؟
طيب ده في البداية .. اومال لو بقالك سنه شغال في الموضوع ده؟ على كده بقى انا مليونير :)
اول قاعده في عالم الفوركس: الموثوق فيهم فقط
يعني مثلا عندك بنوك ومدونات ومواقع اعلانات وضغطات ربحيه وخلافه
85% من الحاجات دي نصب×نصب
اولاً لا تنخدع بالمناظر البراقه في هذا العالم، ولا تجهد نفسك في حاجه انتا مش واثق فيها
يعني مثلا موقع فهلوه.كوم يقدم خدمه الضغط على الاعلانات باسعار خياليه
تقوم انتا يا حرام داخل وتفضل تضغط على الاعلانات وبعد فتره تكتشف ان الموضوع كله والموقع كله نصب في نصب
طيب ومجهودي؟، سلام لي على مجهودك بقى
هنكمل كلمنا الكتير في تدوينات تانيه إن شاء الله بس اهم القواعد في العالم ده
- لا تنخدع في المظاهر البراقه والموضيع الكثيره والكلام المعسول ومواقع النقر على الاعلانات الجديده وامثالهم
- لا تثق ابدا في اي بنك جديد لا تعرف عنه شئ ولا تقم بالتعامل مع سواء التحويل منه او إليه
- لا تقوم بالشتراك في المواقع الموثوقه تحت Referral او كعضو محال إلى إلا اردت ذالك (وسوف اشرح بالتفصيل الممل هذا في تدوينات لاحقه
- لا تقم باعطاء اميلات تسخدمها في الدخول على مواقع حساسه كالبنوك / ارقام سريه / ارقام حسابات / معلومات شخصيه لاحد لا تعرفه ولا تثق فيه
- لا تستعجل على الربح من هذه المواقع
- لا تنسى ايضا انه كما تريد ان تاخذ فهناك من يريد ان ياخذ منك
- لا تقل اعطني سمكه ولكن قل عملني كيف اصطاد
- وابدا لا تنسى ان كل شئ بقد ولن تاخذ اكثر من حقك وان المال بالطرق غير المشروعه التي لا يرضى عليها الله ورسولة والقانون لا تدوم
- اعلم ان رزقك لن يأخذه غيرك مهما كان ومهما حصل
0 التعليقات:
إرسال تعليق